Децата се огледало на општеството што го создадовме
Го изгледав видеото , снимено во времето кога мојата генерација беше дете, во кое се зборува за тогашните оценки и начинот на оценување. Ме поттикна да се навратам во минатото, да направам споредба со денешното време и пред сè, да размислам каде погрешивме ние, возрасните. Денес, како и некогаш, дете е дете. Децата на таа возраст ја имаат истата искреност, љубопитност, енергија и чувство за правда. Единствената разлика меѓу тогаш и денес е што денес сè помалку им дозволуваме да бидат деца. Премногу работи правиме наместо нив - и дома и на училиште. Не им оставаме доволно простор самостојно да истражуваат, да грешат, да учат од сопствените грешки, да преземаат одговорност и да се докажуваат. Сакаме да ги заштитиме од секоја тешкотија, а притоа забораваме дека токму преку предизвиците се градат карактерот, самостојноста и одговорноста. Кога не им дозволуваме својата енергија да ја насочат кон вистински вредности, таа понекогаш наоѓа погрешен излез – пре...