МЕДИУМСКА ПИСМЕНОСТ

Драги ученици,   Ви благодарам за вашето учество, труд, креативност и прекрасната енергија што ја внесовте во проектот “ Мали волшебници”. Со вашите идеи и посветеност го направивте проектот посебен и незаборавен. Во прилог ви ги испраќам сертификатите како мал знак на благодарност и признание за вашиот придонес. Истите, во PDF формат, ви се закачени и на Teams. Горда сум на секој од вас. Продолжете да бидете љубопитни, креативни и храбро да создавате свои мали волшебства. 10 години труд, инспирација, креативност и вонсериски успеси. 10 години во кои училницата беше отворена кон светот . 40 информативни и тематски eTwinning вебинари, безброј соработки, нови искуства и прекрасни пријателства. Гордост е што од секоја идеја создадовме можност, од секој проект - приказна, а од секоја соработка - пријателство.

Колку убава идеја, вреди да се обидеме и ние. Станува збор за меѓународниот турнир " Математика без граници" , на кој учествуваат и ученици од Македонија. Повеќе информации можете да најдете тука: [  https://www.mathwithoutborders.bg/index.php/dokumenti/   ] . Она што особено ми привлече внимание е организацискиот модел. Турнир од ваков тип бара многу труд, посветеност и добра организација, но истовремено може да обезбеди и средства преку котизациите. Според достапните информации, во квалификациските кругови учествуваат околу 15.000 ученици, од кои најголемиот дел се од земјата организатор. Тоа покажува дека ваквите натпревари можат да имаат и значаен национален опфат, покрај меѓународниот карактер. Можеби вреди да се размисли дали сличен модел би можел да се организира и во Македонија. Освен што би овозможил уште повеќе ученици да се натпреваруваат, дел од приходите би можеле да се насочат кон поддршка на нашите  олимпијци и нивното учество на меѓународни натпревари. Мис...

ПРИМЕР проект- Мали волшебници- ПОСТАВУВАЊЕ ОБРАЗОВНИ ЦЕЛИ: Специфични: Да, барањето е задоволено, бидејќи јасно се наведени целите на проектот - развој на комуникациски, истражувачки, тимски, креативни и дигитални вештини. Мерливи:   Делумно е задоволено, бидејќи се наведени конкретни активности и резултати (експерименти, визуали, видеа и презентации), но недостигаат доволно јасно дефинирани квантитативни показатели за мерење на успешноста. Остварливи: Да, барањето е задоволено, бидејќи предвидените активности се соодветни на возраста и можностите на учениците и можат да се реализираат во рамките на проектот. Релевантни: Да, барањето е задоволено, бидејќи целите се поврзани со развојот на компетенциите и вештините потребни за учењето, личниот развој и идниот професионален живот на учениците. Временски ограничени: Да, барањето е задоволено, бидејќи е јасно определено дека проектот ќе се реализира од октомври 2025 до мај 2026 година. ПЕДАГОШКИ ПРИСТАПИ И НАСТАВНИ ПРЕДЛОЗИ Разли...

Од 2019 година, кога започна воведувањето на инклузијата во основните училишта, учев и сѐ уште учам од најдобрите. Иако сѐ уште ни недостигаат многу работи, желбата и посветеноста да им пружам поддршка на сите деца со посебни образовни потреби кои доаѓаа во нашето училиште секогаш беа мој приоритет. За жал, интересот и поддршката од институциите и од поединците не се на потребното ниво, иако многу ресурси ни се достапни, па дури имаме и повеќе можности отколку што понекогаш ги користиме. Посебна благодарност заслужува Владимир Трајковски , кој обезбеди бројни бесплатни вебинари. Тие беа вистински ветер во грб за сите што сакаа да научат нешто ново, да ги прошират своите знаења и да слушнат практични совети за различните ситуации со кои секојдневно се среќаваме во работата со децата. Неговата несебична поддршка и споделување на знаењето претставуваат значаен придонес во унапредувањето на инклузивното образование и во јакнењето на компетенциите на наставниците и стручните соработници....