Медиумска писменост и онлајн безбедност

 

Медиумска писменост и онлајн безбедност

 

Што е медиумска писменост?

Медиумска писменост значи да знаеш како да разбереш, користиш и проверуваш информации од различни медиуми – како интернет, телевизија, книги и списанија. Тоа значи да можеш да препознаеш што е вистина, а што не, како и да одлучиш што е важно за тебе.

 

Зошто е важно?

На интернет има многу интересни и корисни работи, но има и лажни вести, измами и содржини што можат да бидат опасни.

Кога знаеш да провериш информации, можеш да бидеш сигурен дека учиш вистински работи.

 

Како да бидеш паметен корисник на интернет?

Секогаш проверувај ги информациите, дали доаѓаат од сигурен извор? Кој ги напишал? Дали изгледаат професионално?

Не верувај на сè што ќе видиш, понекогаш сликите и видеата можат да бидат изменети за да изгледаат реално.

Прашај возрасен ако си некогаш во дилема. Доколку не си сигурен дали нешто е вистина, разговарај со родители, наставници или постар брат/сестра.

 

Онлајн безбедност  и како да се заштитиш?

Чувај ја твојата приватност, не споделувај лични информации како адреса, телефонски број или лозинки.

Користи силни лозинки, креирај лозинки кои содржат букви, броеви и специјални знаци, и никогаш не ги споделувај со други.

Биди внимателен со непознати лица, никогаш не разговарај или не договарај средби со луѓе што не ги познаваш лично.

Пријави ако нешто не е во ред, ако некој те вознемирува или гледаш нешто непријатно, кажи на родителите или на наставникот.

 

Што можеш да направиш за да бидеш сигурен?

Користи само безбедни веб-страници.

Проверувај пред да преземеш апликации или игри.

Биди љубопитен, но многу внимателен.

(2 наставни часа)